2.22.2008

Nosh de Dulcamara: meyor cantar n'asturianu

El cantar Nosh de Dulcamara algama'l premiu al meyor cantar n'asturianu de la Conseyería de Cultura na so segunda edición. El grupu de pandereteres que vién d'estrenar va poco'l so primer trabayu discográficu fizose ayeri, 21 de febreru, colos 1000€ del premiu nuna gala que se cellebró na Casa Cultura Teodoro Cuesta de Mieres.
Xunto a Dulcamara foron finalistes del premiu Esther Fonseca, Skanda, Soncai Sound System y Anabel Santiago, toos ellos actuaron na gala amás de Nuberu.
Dende equí da-ys a les moces de Dulcamara la norabona pol premiu. Per otru llau, entrugar si daquién conoz los criterios que faen qu'un cantar seya nomináu o non a estos premios, camiento que la lletra del mesmu sedrá'l más importante, por eso nun soi quién a entender como llegó ser finalista'l cantar de Skanda, que tien nel so discu polo menos 2 muncho meyores qu'esti de les caracoles que foi finalista...

3 comentarios:

Anónimo dijo...

Pa qu'un cantar tuviere nomináu a estos premios, los cantares teníen que ser orixinales en lletra y música, ye decir, que nun podía ser tradicional nin la lletra nin la música y a lo meyor los cantares de Skanda que te prestaben más teníen la música tradicional.
Un saludu.

Folkesí dijo...

Puede ser, gracies.

Folkesí dijo...
Este comentario ha sido eliminado por el autor.