1.20.2008

Música n'illustraciones


La mio otra gran afición amás de la música folk, más o menos céltica, ye'l debuxar arte celta. Llevo dellos meses ensin tomar los llapiceros y parezme que va siendo hora de facer daqué, porque la práutica nesta actividá ye primordial, como na música.
Hai cuasi un añu fixi, por encargu, la illustración que veis xunto a estes lletres. En febreru o marzu púnxose en contautu comigo Antón García, de Trabe, pa entrugame si podía facer daqué pa la portada d'ún de los fascículos de la coleición qu'asoleyó La Voz de Asturias sobre la música asturiana. El resultáu yá lo veis, dalgún yá lo vería xunto col periódicu nel so día, un triskel formáu por tres músicos tradicionales.
El casu ye que toi por retomar la temática y facer una serie d'illustraciones celtes dedicaes a la música folk, anguañu nun ye un estilu mui popular pero nos 80 yera corriente alcontrar carátules de discos y cartelos de conciertos bien guapos fechos nesti estilu... Lo que vaya saliendo yá lo diréis viendo equí y si daquien quier aportar dalguna idega, tendráse en cuenta.

2 comentarios:

Anónimo dijo...

¡¡OLE AHÍ, MAESTRO!!

La verdad es que, vistas algunas portadas tan sosas, ya te podían llover los encargos.

Sigue dándole con ese arte.

Vítor González dijo...

Muchas gracias primo!
Son modas, ahora mismo está de moda lo no-celta